Oltin qimmatlashdi, Bitcoin narxi ham oshdi – xalqaro moliya bozori sharhi.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

Dollar indeksining pasayishi fonida yevro va yuan mustahkamlandi. Qo‘shma Shtatlarda asosiy stavkaning pasayishi haqidagi yangiliklar ortidan bir qator qimmatbaho metallarning narxi oshdi. Xususan, oltin hafta davomida 4 dollarga, yil boshidan beri esa qariyb 22 foizga qimmatlashdi.

Foto: Kun.uz / fastflux.ai

Joriy haftaning eng muhim yangiliklaridan biri AQShda mehnat statistikasi ma’lumotlarining qayta ko‘rib chiqilgani bo‘ldi. Qayd etilishicha, statistik raqamlar mart oyigacha bo‘lgan so‘nggi bir yillikda AQSh qishloq xo‘jaligidan tashqarida yaratilgan yangi ish o‘rinlari soni 818 mingga qisqarishi tomonga qayta hisob-kitob qilingan. Bu AQSh mehnat bozori zaiflashayotganini tasdiqlovchi yana bir qo‘shimcha ma’lumot bo‘lib, joriy monetar siyosati o‘z yakuniga yetayotganligidan darak beradi. Haftaning keyingi muhim ma’lumotlaridan yana biri ikkilamchi uy-joy sotuvlari statistikasining e’lon qilingani bo‘ldi. Bu ko‘rsatkich prognoz qilinganidek, iyul oyida 1,3 foizni tashkil etgan. Federal zaxira tizimi (FZT) raisining nutqi va Jaskson Hole simpoziumi esa hafta voqeasiga aylandi. Moliya bozorlari ishtirokchilari bu tadbirdan uzoq kutayotgan signal, ya’ni foiz stavkasini tushirish bo‘yicha birinchi rasmiy yangilikni olishga muvaffaq bo‘ldi. Jyerom Povellning nutqi, so‘nggi bir necha yillardagi simpoziumda kuzatilgan bozorlar qulashidan farqli bo‘lib, bu safar ko‘tarilishni ta’minlab berdi va fond indekslarining o‘sishiga sabab bo‘ldi.

Jahon Insighs kanali ekspertlari 19 avgustdan 23 avgustgacha bo‘lgan davrda xalqaro moliya bozorida sodir bo‘lgan eng muhim voqealarni tahlil qilib chiqdi.       

AQSh top fond bozorlari indeksi:

Hafta savdolarida Dow Jones indeksi 515 punktga, NASDAQ va  S&P500 mos ravishda 212 va 80 punktga o‘sdi.

Asosiy qimmatbaho metallar:

Qimmatbaho metallar ham fundamental yangiliklar fonida o‘sish sur’atini taqdim etdi. Oltin kumush, alyuminiy va mis hafta davomida mos ravishda 4,12 dollar, 0,85 dollar, 173,3 dollar   va 0,07 dollarga qimmatlashdi.  

Neft

Hafta davomida neftning WTI markasi 50 sentga, BRENT esa 54 sentga arzonlashdi.

Valutalar

Hafta savdolarida yevro va yuan dollarga nisbatan mos ravishda 1,51 foiz va 0,56 foizga o‘sdi, biroq lira, so‘m va rubl 0,76 foiz, 0,16 foiz va 1,99 foizga pasaydi.

Kriptovaluta

Bitcoin 5 kunlik savdolarda 9,44  foizga, Ethereum esa 5,8 foizga oshdi. 

Bozorlar haqida qisqacha

Joriy haftada Jyerom Povellning chiqishi moliya bozorlarida katta ahamiyatga ega bo‘ldi. Chunki uzoq vaqtdan beri olib borilayotgan qattiq monetar siyosat va sovib borayotgan iqtisodiyot nafaqat bozor ishtirokchilarini, balki Amerikaning yuqori martabali amaldorlarini ham tashvishga sola boshlagan edi. Yuqori foiz stavkalari AQSh kompaniyalariga qarz olish narxini qimmat qilgani tufayli, ularning kengayishi va faolligini cheklab qo‘ydi. Bu esa ish o‘rinlariga ham ta’sir o‘tkazdi. Ishsizlar sonining oshishi esa kelgusida iqtisodiyotga ortiqcha yuk bo‘ladi. Shu jihatdan, yuqori martabali amaldorlar ham shoshilinch ravishda bu mavzuni muhokama qilib, bir ovozdan stavkani tushirishni boshlash kerakligi haqida gapira boshladi.

Eslatma! Taqdim qilingan ma’lumotlar muallifga tegishli bo‘lib, 19 avgustdan 23 avgustgacha bo‘lgan vaqt oralig‘idagi moliya bozorida yuz bergan o‘zgarishlar asosida tayyorlangan. Ushbu maqola investitsion maslahat emas.

16:50 / 20.08.2024

11:36 / 04.08.2024

09:05 / 31.07.2024

13:58 / 21.07.2024

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.