Bayden Pentagonga Ukrainaga qurol yetkazib berishni tezlashtirishni buyurdi.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

AQSh prezidenti Jo Bayden Rossiyaning Ukraina energetika tizimiga uyushtirgan hujumini «g‘azablanarli» deb atadi va mudofaa vazirligiga Kiyevga qurol yetkazib berishni faol davom ettirishni buyurdi.

Foto: Jim Lo Scalzo / EPA / TASS

AQShning amaldagi prezidenti Jo Bayden Rossiyaning rojdestvo kechasi Ukrainaning energetika infratuzilmasiga hujumini «g‘azablanarli» deb atadi va Pentagonga Kiyevga qurol yetkazib berishni faol davom ettirishni buyurdi. 25 dekabr, chorshanba kuni Oq uy veb-saytida e’lon qilingan bayonotda Bayden shunday dedi: «So‘nggi oylarda Qo‘shma Shtatlar Ukrainaga havo hujumidan mudofaa uchun yuzlab raketalarni yetkazib berdi. Mudofaa vazirligi Ukrainani faol ravishda qurol bilan ta’minlashda davom etadi va Qo‘shma Shtatlar Rossiya kuchlariga qarshi mudofaa sohasida Ukraina pozitsiyasini mustahkamlash uchun tinimsiz harakat qiladi».

Amerika prezidentining ta’kidlashicha, Rossiyaning keng ko‘lamli hujumidan maqsad «Ukraina xalqini qishda issiqlik va elektr energiyasidan mahrum qilish va mamlakat energetika tizimi xavfsizligiga xavf solish». «Ukraina xalqi tinchlik va xavfsizlikda yashashga loyiqdir, Qo‘shma Shtatlar va xalqaro hamjamiyat Ukraina Rossiya tajovuzini mag‘lub etmaguncha uni qo‘llab-quvvatlashda davom etishi kerak», dedi prezidentlik muddati 20 yanvarda tugaydigan 82 yoshli Jo Bayden.

Tramp: Ukrainadagi urushga yechim topishda o‘zgarishlar bor

AQShning saylangan prezidenti Donald Tramp Ukrainadagi urushni hal qilishda «ozgina olg‘a siljish» haqida gapirdi, biroq tafsilotlarni keltirmadi. Bu haqda u 16 dekabr kuni saylovda g‘alaba qozonganidan keyingi ilk matbuot anjumanida aytib o‘tdi.

Trampning so‘zlariga ko‘ra, Kiyev Moskva bilan tinchlikka erishmoqchi va u bu borada Rossiya prezidenti Vladimir Putin bilan bog‘lanmoqchi. U Volodimir Zelenskiyni urush oxirida «shartnoma tuzishga» tayyorlanishga chaqirdi. Shu bilan birga, uning so‘zlariga ko‘ra, Ukraina prezidentini Donald Tramp 2025 yil yanvarida o‘tkaziladigan inauguratsiya marosimiga taklif qilmagan.

Bundan tashqari, AQShning saylangan prezidenti Jo Bayden ma’muriyatining Ukrainaga Rossiya hududiga Amerika qurollari bilan zarba yo‘llashga ruxsat bergan qarorini noto‘g‘ri va ahmoqlik deb atadi va buni qayta ko‘rib chiqishi mumkinligini aytdi.

Kiyev Moskva bilan tinchlik o‘rnatish uchun o‘z hududlarining bir qismini qurbon qilishi kerakmi, degan savolga Tramp bilmasligini aytdi. «Ko‘p yerlarda birorta ham bino yo‘q, odamlarning qaytib keladigan joyi yo‘q», — deya qo‘shimcha qildi u.

«Bu yomon. Hech kim ko‘rmagan sonda odamlar o‘ldirilmoqda. Bilasizmi, u yerda juda tekis dalalar bor. Va o‘qni to‘xtatadigan yagona narsa — tana, inson tanasi. O‘ldirilgan askarlar soni har ikki tomondan ham astronomikdir, men hech qachon bunaqasini ko‘rmaganman», — dedi Donald Tramp Ukrainada davom etayotgan jangovar harakatlar haqida.

21:53 / 25.12.2024

21:15 / 25.12.2024

16:21 / 25.12.2024

11:00 / 25.12.2024

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.