Bashar Asadning rafiqasi ajrashishga ariza berdi - Haberturk.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

Suriya sobiq prezidenti Bashar Asadning rafiqasi ajrashib, Moskvadan Londonga ko‘chib ketmoqda. RF prezidentining matbuot kotibi Dmitriy Peskov ushbu xabar «haqiqatga to‘g‘ri kelmasligini» bildirdi.

Foto: AFP/Getty Images

Suriya sobiq prezidenti Bashar Asadning rafiqasi ajrashish uchun ariza berdi. Bu haqda Turkiyaning Haberturk nashri xabar berdi.

Nashr ma’lumotlariga ko‘ra, Asma Asadga Moskvada yashash sharoiti yoqmayapti va u Londonga ko‘chib ketmoqchi. Haberturk’ning yozishicha, Asadning rafiqasi Moskvadan chiqish uchun «maxsus ruxsat» so‘ragan.

Turk OAVning yozishicha, Asadga Moskvani tark etish taqiqlangan. Ammo ushbu ma’lumot rasmiy tasdiqlanmagan.

Rossiya prezidentining matbuot kotibi Dmitriy Peskov Asadning harakatlanishiga cheklov mavjudligi hamda uning rafiqasi bilan ajrashish borasidagi rejalariga oid xabarlar haqiqatga to‘g‘ri kelmasligini ma’lum qildi.

Asma Asad Londonda tug‘ilgan. Buyuk Britaniyada u Amerikaning JP Morgan bankida investitsion bankir bo‘lib ishlagan. U 2000 yilda Bashar Asadga turmushga chiqqan. Asma Asadning Suriya fuqaroligidan tashqari, Britaniya pasporti ham bor.

Financial Times’ning yozishicha, Asma Asad vositachilar orqali Suriyada telekommunikatsiya, ko‘chmas mulk, banklar, savdo kabi iqtisodiyotdagi butun boshli sektorlarni nazorat qilgan. Nashr ma’lumotlariga ko‘ra, mamlakat iqtisodiyoti Bashar Asad, uning ukasi Mohir va Asma o‘rtasida bo‘lib olingan.

Bashar Asad hamda uning oilasi dekabr boshida hokimiyat qo‘ldan boy berilganidan keyin Moskvaga qochib ketgandi. Bloombergʼning yozishicha, Asadning qochishini Rossiya razvedkasi xodimlari tashkillashtirgan. 8 dekabr kuni Rossiya davlat OAV Bashar Asad o‘z oila a’zolari bilan Moskvaga yetib kelgani, unga boshpana berilgani haqida xabar berdi. Ko‘p o‘tmay RF prezidentining matbuot kotibi Dmitriy Peskov mazkur ma’lumotlarni tasdiqladi.

Suriyada qurolli muxolifatning 2024 yil 27 noyabridan boshlangan keng ko‘lamli harbiy harakatlari oradan 12 kun o‘tib, 8 dekabrda Damashqning qulashiga olib keldi. Mamlakatda Asadlar sulolasining 53 yillik hukmronligi yakun topdi.

00:45

19:06 / 22.12.2024

13:56 / 22.12.2024

12:58 / 22.12.2024

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.