Apple o‘zining onlayn do‘konidan mustaqil OAV ilovalarini o‘chirib tashlayotganiga izoh berdi.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

Apple Store do‘konidan Rossiya hukumatining talabiga ko‘ra muntazam ravishda mustaqil OAV ilovalari o‘chirib tashlanmoqda. Amerika kompaniyasi buni «demokratik tamoyillar haqida qayg‘urish» deya izohladi.

Foto: Reuters

Apple Rossiyadagi App Store onlayn do‘konidan mustaqil OAV ilovalari va VPN-servislar o‘chirib tashlanganini mahalliy qonunchilikka rioya qilgani hamda mamlakat hududida o‘z xizmatlarini taqdim etishni davom ettirmoqchi ekani bilan izohladi. «Chegara bilmas muxbirlar» so‘roviga rasmiy javobda Apple vakillari o‘z harakatlari qonuniy cheklovlar va «demokratik tamoyillarni qo‘llab-quvvatlash» vazifasi bilan bog‘liqligi ma’lum qildi.

«Qonun talablarini bajarmaslik Apple ushbu mamlakatda o‘z kontenti yoki App Store’ni qo‘llab-quvvatlay olmasligiga olib kelishi mumkin. AQSh hukumati kompaniyalarni Rossiya aholisi uchun aloqa xizmatlaridan foydalanish imkoniyatini saqlab qolishga undaydi, chunki ushbu xizmatlarning mavjudligi demokratik tamoyillarni qo‘llab-quvvatlash uchun zarur», — deyiladi korporatsiya xabarida. Apple, shuningdek, VPN-ilovalarni faol o‘chirib tashlayotgani haqidagi ayblovlarni rad etdi.

Kompaniya Rossiya hukumatining talabidan kelib chiqib muntazam ravishda o‘z do‘konidan mustaqil OAV ilovalarini o‘chirib tashlaydi. O‘chirib yuborilgan ilovalar orasida «Ozodlik radiosi» ham bor. Oktyabr oyida esa Roskomnadzor talabi bilan onlayn do‘kondan «Nastoyashcheye vremya» o‘chirilgan.

Apple maydonchasiga joylashtirilgan podkastlar bilan ham shunaqa holatlar kuzatilgan. Xususan, The Insider, «Meduza», shuningdek, «Exo Moskvi», BBC rus xizmati materiallari o‘chirib yuborilgan.

2024 yilda Apple VPN-servislarni ham faol o‘chirishni boshladi. O‘chirilgan ilovalar — NordVPN, Proton VPN va Red Shield VPN. Senzurani monitoring qilish bilan shug‘ullanuvchi GreatFire loyihasiga ko‘ra, yoz faslining ikki oyida Apple Rossiyadagi App Store’sidan 60 ta VPN ilovani o‘chirib tashlagan.

22:47 / 25.12.2024

21:53 / 25.12.2024

20:54 / 25.12.2024

20:34 / 25.12.2024

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.