O‘zbekistonda dushanbadan salqin havo chekina boshlaydi, deb xabar bermoqda “O‘zgidromet”.
Dam olish kunlarida O‘zbekiston hududiga salqin havo kirib kelib, respublika hududining katta qismida harorat 8-10 darajagacha pasaygandi. Prognozlarga ko‘ra, 19-avgust, dushanba kunidan boshlab havo harorati asta-sekin ko‘tariladi, lekin ish haftasining oxirigacha nisbatan qulay bo‘ladi. Kunduz kunlari havo 30-35 darajagacha, baʼzi joylarda 37 darajagacha isiydi.
Ushbu kunlarda asosan kam bulutli ob-havo bo‘lishi kutilmoqda.
Sharqiy yo‘nalishdagi shamol 7-12 metr/sekund tezlikda esadi, janubda va cho‘l hududlarning baʼzi joylarida 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin.
Toshkentda havo kam bulutli bo‘ladi. Shamol 3-8 metr/sekund tezlikda esadi. Harorat asosan kechalari 18-21 daraja, kunduz kunlari 32-35 daraja bo‘ladi.
Comments
0 comment