Ukraina davlat reyestrlari Rossiya kiberhujumidan keyin qayta tiklandi.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

Ukraina adliya vazirining so‘zlariga ko‘ra, bir oy oldin Rossiya tomonidan amalga oshirilgan keng ko‘lamli kiberhujum natijasida ukrainaliklarning ma’lumotlari yo‘qolmadi, rasmiylar «muhim saboq oldi» va «tizimli o‘zgarishlarni amalga oshirmoqda».

Foto: Jan Eifert/picture alliance

Ukraina davlat reyestrlari infratuzilmasi 19 dekabr kuni rossiyalik hakerlar tomonidan amalga oshirilgan deb taxmin qilingan yirik kiberhujumdan so‘ng to‘liq tiklandi. Bu haqda 20 yanvar, dushanba kuni Yevropa va Yevroatlantika integratsiyasi bo‘yicha bosh vazir o‘rinbosari, Ukraina adliya vaziri Olga Stefanishina Facebookʼda ma’lum qildi.

«Rossiyaliklar tomonidan amalga oshirilgan eng yirik kiberhujumdan so‘ng davlat reyestrlari infratuzilmasi tiklandi. Bu davlat reyestrlari yana ishlashga tayyorligini anglatadi», deb yozadi Stefanishina «ukrainaliklarning ma’lumotlari yo‘qolmagani»ni ta’kidlab. «Biz ushbu kiberhujumdan muhim saboq oldik va tizimli o‘zgarishlarni amalga oshirmoqdamiz», deya qo‘shimcha qildi u. Vazirning so‘zlariga ko‘ra, tiklash davrida kiritilgan ma’lumotlar hozirda yangilanmoqda.

Stefanishina keng ko‘lamli hujum takrorlanmasligi uchun rasmiylar yaqin kelajakda o‘tishlari kerak bo‘lgan uchta bosqichni aytib o‘tdi: mas’uliyat, himoyani kuchaytirish va xalqaro hamkorlik. «Kibertahdidlar chegara bilmaydi, shuning uchun biz hamkor mamlakatlar tajribasidan faol foydalanamiz», deb yozadi u.

Ukraina davlat reyestrlari RFdan keng ko‘lamli kiberhujumga uchradi

Ukraina davlat reyestri so‘nggi paytlardagi eng yirik kiberhujumga uchradi. Bu haqda 19 dekabr kuni kechqurun bosh vazirning Yevropa va Yevroatlantika integratsiyasi bo‘yicha o‘rinbosari, Ukraina adliya vaziri Olga Stefanishina Facebookʼda ma’lum qildi. «Maqsadli hujum natijasida Ukraina Adliya vazirligi tasarrufidagi Yagona va Davlat reyestrining ishi vaqtincha to‘xtatildi, endi biz guruh va boshqa xizmatlar mutaxassislari bilan birgalikda kiberhujumlarga qarshi kurashish va tizimlarni tiklash bo‘yicha ish olib boryapmiz», deyiladi xabarda.

Vazir, shuningdek, bu harakatlardan maqsad Ukrainaning muhim infratuzilmasi ishini buzishga urinish ekanini aytdi va «hujum rossiyaliklar tomonidan amalga oshirilgani allaqachon aniq bo‘lganiga» aniqlik kiritdi.

18:37 / 20.01.2025

21:13 / 19.01.2025

12:03 / 18.01.2025

09:55 / 18.01.2025

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.