Tramp: Putin Ukraina bo‘yicha kelishuvga erishmay Rossiyani yo‘q qilmoqda.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

AQSh prezidenti Donald Trampning aytishicha, Putin Ukrainadagi ishlari «unchalik yaxshi ketmayotganidan» xursand emas. Unga ko‘ra, Ukraina prezidenti Volodimir Zelenskiy ham urushni tugatish bo‘yicha kelishuvga erishmoqchi.

Foto: David Dee Delgado / Reuters

Agar Rossiya prezidenti Vladimir Putin Ukrainadagi urushni tugatish bo‘yicha bitim tuzishdan bosh torsa, Rossiya katta muammolarga duch keladi, dedi 20 yanvar kuni AQSh prezidenti lavozimiga kirishgan Donald Tramp. «U kelishuvga erishishi kerak. Menimcha, u kelishuv tuzmasdan Rossiyani vayron qilmoqda», — dedi Tramp 20 yanvar, dushanba kuni kechqurun jurnalistlarga. «Menimcha, Rossiya katta muammoga duch keldi», — deya qo‘shimcha qildi u.

Shu bilan birga, AQSh prezidenti Putinning o‘zi ham kelishuv tuzishga moyil, degan fikrni bildirdi. «U ishlari unchalik yaxshi ketmayotganidan xursand emas, - deya tushuntirdi Tramp. - Ya’ni, uning quvvati tugayapti. Lekin ko‘pchilik bu urush bir hafta ichida tugaydi deb o‘ylagan, hozir esa uch bo‘ldi». AFP bu izohni «Trampning o‘tmishda ijobiy qaragan Putinga nisbatan noodatiy tanqidiy pozitsiyasi» deb atadi.

Ukrainadagi urush davrida Rossiya duch kelayotgan muammolar haqida gapirar ekan, Donald Tramp og‘ir iqtisodiy vaziyatga, xususan, yuqori inflatsiyaga ishora qildi. U Ukrainadagi urushni tugatish variantlarini muhokama qilish uchun Rossiya rahbari bilan shaxsiy uchrashuv o‘tkazishga tayyorlanayotganini yana bir bor ta’kidladi.

Shu bilan birga, Tramp Ukraina prezidenti Volodimir Zelenskiy unga shaxsiy uchrashuvida urushni tugatish bo‘yicha kelishuvga erishmoqchi ekanligini aytganini bildirdi. «Zelenskiy kelishuvga erishmoqchi», dedi AQSh prezidenti.

Jurnalistlarning «Ukrainadagi urushni prezidentlik kampaniyasi chog‘ida va’da qilganidek, lavozimga kirishganidan keyin 24 soat ichida tugatish mumkinmi?» degan savoliga Donald Tramp bunday maqsadga erishish uchun «yana yarim kun» borligini aytdi. «Biz buni imkon qadar tezroq qilishga urinamiz. Bilasizmi, Ukraina va Rossiya o‘rtasidagi urush hech qachon bo‘lmasligi kerak edi», — deya qo‘shimcha qildi Tramp.

10:09

08:38

07:16

03:50

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.