Sobiq isyonchi guruhlar Suriya Mudofaa vazirligini nazorat qilmoqchi.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

Suriyaning sobiq isyonchi guruhlari mamlakat Mudofaa vazirligi qoshida birlashishga kelishib oldi. Suriya muvaqqat hukumati ular o‘rtasidagi to‘qnashuvlarning oldini olish muammosiga duch kelyapti.

Foto: Omar Sanadiki/AP

24 dekabr, seshanba kuni Suriyaning amaldagi rahbari, «Hay’at Tahrir ash-Shom» (Hsh) radikal guruhi yetakchisi, Abu Muhammad al-Juloniy nomi bilan tanilgan Ahmad al-Shara va isyonchi guruhlarning sobiq rahbarlari ularni tarqatib yuborish va keyinchalik mamlakat Mudofaa vazirligi rahbarligida birlashtirish to‘g‘risida kelishib oldi. Bu haqda Reuters agentligi iqtibos keltirgan Suriyaning yangi hukumati bayonotida aytiladi.

O‘tgan hafta Suriya bosh vaziri Muhammad al-Bashir Mudofaa vazirligi qayta tashkil etilishini va bu jarayonga sobiq isyonchi guruhlar, shuningdek, Bashar Asad armiyasidan qochib ketgan zobitlar jalb etilishini aytdi, deya aniqlik kiritadi agentlik. Endi Ahmad al-Shara oldida ko‘plab qurollangan sobiq isyonchilar guruhlari o‘rtasidagi to‘qnashuvlarning oldini olish vazifasi turibdi, deya ta’kidlaydi Reuters.

GFR diplomatlari Suriyadagi isyonchilar bilan aloqa o‘rnatdi

Dpa agentligining 18 dekabr kuni xabar berishicha, 17 dekabr kuni Damashqdagi nemis diplomatlari ilk bor «Hay’at Tahrir ash-Shom» (Hsh) guruhi rahbari Ahmad al-Shara bilan to‘g‘ridan to‘g‘ri aloqa o‘rnatdi.

«Muhokamalarda asosiy e’tibor siyosiy o‘tish jarayoni hamda Suriyada tinch taraqqiyotni qo‘llab-quvvatlash maqsadida ozchiliklar va ayollar huquqlarini himoya qilish bo‘yicha bizning umidlarimiz bo‘ldi», — deyiladi Germaniya tashqi ishlar vazirligi bayonotida.

Avvalroq ARD telekanalining Tagesschau axborot dasturi o‘z saytida Suriyadagi isyonchilar bilan muzokara olib borayotgan Germaniya delegatsiyasiga Germaniya tashqi ishlar vazirligining Yaqin Sharq bo‘yicha komissari Tobias Tunkel boshchilik qilishi haqida xabar bergan edi.

YeI va BMT Suriyada Bashar Asad rejimi ag‘darilganidan so‘ng u yerda hokimiyatni egallab olgan isyonchilar vakillari bilan aloqa o‘rnatishga kirishgan. Tagesschau ta’kidlaganidek, Yevropa Ittifoqining tashqi ishlar va xavfsizlik siyosati bo‘yicha oliy vakili Kaya Kallas shu maqsadda tajribali nemis diplomati Mixael Onmaxtni Damashqqa yubordi.

BMT bosh kotibining Suriya bo‘yicha maxsus vakili Geyr Pedersen ham al-Shara bilan muzokaralar olib borgan, deyiladi xabarda.

21:05 / 24.12.2024

22:22 / 23.12.2024

17:10 / 23.12.2024

00:45 / 23.12.2024

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.