Britaniyada soliqlar sabab rekord darajada ko‘p millionerlar mamlakatni tark etmoqda - The Times.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

2024 yilda Buyuk Britaniyadan jami 10,8 ming millioner chiqib ketgan. Ular asosan Italiya, Shveytsariya va Birlashgan Arab Amirliklariga ketmoqda.

Foto: Getty Images

Buyuk Britaniyani har 45 daqiqada bir millioner tark etmoqda, deb xabar berdi The Times gazetasi New World Wealth tahlil firmasi ma’lumotlariga tayanib. Bunga bosh vazir Kir Starmer boshchiligidagi leyboristlarning soliq siyosati sabab bo‘lmoqda.

Nashr ta’kidlashicha, o‘tgan yili Buyuk Britaniyadan jami 10,8 ming millioner chiqib ketgan, bu 2023 yilga nisbatan 157 foizga ko‘p. Shu bilan birga, rekord darajada ko‘p millionerlarning ketishi aynan Starmer hokimiyatga kelgan iyul oyidan boshlab kuzatilgan.

Ular asosan Italiya, Shveytsariya va Birlashgan Arab Amirliklariga ketmoqda, deyiladi xabarda.

2024 yil oktyabr oyi oxirida leyboristlar hukumati davlat moliyasini ko‘paytirish va ijtimoiy xizmatlarga sarmoya kiritishni ta’minlash maqsadida 40 milliard funt sterling (51,8 milliard AQSh dollari) miqdorida soliqlarni oshirishni nazarda tutuvchi budjet rejasini taqdim etgandi. Buyuk Britaniya g‘aznachilik kansleri Reychel Rivz ta’kidlashicha, yangi hukumat avvalgi rahbariyatdan qolgan 22 milliard funt sterling (28 milliard dollar) miqdoridagi budjet kamomadini yopish uchun soliqlarni oshirishga majbur bo‘lmoqda.

Avvalroq Bloomberg Britaniyaning har yettinchi kompaniyasi rahbari, agar qirollikda soliqlar oshirilsa, biznesni mamlakatdan tashqariga ko‘chirish niyatida ekanini xabar qilgandi. So‘rov natijalariga ko‘ra, leyboristlarning iqtisodga oid siyosati borasida kompaniyalar rahbarlarining 46 foizi pessimistik, 37 foizi optimistik fikr bildirgan.

Kuzda e’lon qilingan soliqlardan keyin, endi yanada ko‘proq britaniyalik tadbirkorlar mamlakatni tark etishga tayyor, deb ta’kidladi The Times.

08:14 / 17.01.2025

20:09 / 16.01.2025

09:30 / 16.01.2025

17:17 / 15.01.2025

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.