Toshkentdagi uylarning birida yong‘in sodir bo‘ldi

Toshkent shahar, Yashnobod tumani, “Bunyodkor” MFY, Farg‘ona yo‘li ko‘chasida joylashgan uylarning birida yong‘in sodir bo‘ldi. 

Bu haqdagi xabar 24-noyabr kuni soat 16:03 da  Toshkent shahar FVBga kelib tushgan.

Shunga ko‘ra, yong‘in-qutqaruv ekipajlari soat 16:08 da voqea joyiga yetib borib, yong‘in soat 16:12 da qurshab olindi va soat 16:28 da yong‘in o‘chirildi. 

Yong‘in sababi va zarar miqdori aniqlanmoqda. 

Hodisa oqibatida tan jarohati olgan va halok bo‘lganlar yo‘q.

13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan Miran mehmonxonasining qurilishi davom etayotgan eski binosida yong‘in chiqdi.

Shuningdek, 20-oktyabr kuni soat 16:54 da Shayxontohur tumanidagi “Bildirish” tor ko‘chasida joylashgan xonadonlarda yong‘in sodir bo‘ldi.

Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.