Ukraina prezidenti Volodimir Zelenskiy Ukraina Qurolli Kuchlari sobiq bosh qo‘mondoni Valeriy Zalujniyni Ukrainaning Buyuk Britaniyadagi favqulodda va muxtor elchisi lavozimiga tayinladi. Bu haqda Ukraina tashqi ishlar vazirligi xabar berdi.
Tashqi ishlar vazirligi Britaniya tomoniga dastlabki rozilik bo‘yicha tegishli so‘rov yubordi, deyiladi TIV xabarida.
Volodimir Zelenskiy 8 fevral kuni Ukraina Qurolli Kuchlari rahbariyati o‘zgarganini ma’lum qildi. 2021 yildan beri Ukraina Qurolli Kuchlariga qo‘mondonlik qilgan va so‘rovlar natijalariga ko‘ra mamlakatdagi eng mashhur harbiy deb topilgan Valeriy Zalujniy ishdan bo‘shatildi. Aleksandr Sirskiy Ukraina Qurolli Kuchlarining yangi bosh qo‘mondoni bo‘ldi. Bundan oldin, bir necha oy davomida Ukrainaning frontdagi muvaffaqiyatsiz qarshi hujumi fonida yuzaga kelgan Zelenskiy va Zalujniy o‘rtasidagi mojaro haqida mish-mishlar tarqalgan edi.
Comments
0 comment