Nigeriyada qurolli shaxslar 7 mart, payshanba kuni Kaduna shtati shimolidagi Kuriga shahrida 227 nafar maktab o‘quvchisini o‘g‘irlab ketdi. Reuters agentligiga iqtibos keltirgan mahalliy o‘qituvchilarning so‘zlariga ko‘ra, o‘g‘irlash 2021 yildan beri maktabdagi eng yirik hodisa bo‘lgan. Kaduna shtati politsiyasi Reuters agentligining odam o‘g‘irlash bo‘yicha izoh haqidagi so‘rovlariga javob bermadi.
Qayd etilishicha, jangarilar ertalabki yig‘ilishdan keyin maktabga hujum qilgan. O‘qituvchilardan biri Sani Abdullahining so‘zlariga ko‘ra, o‘rta maktabdan o‘g‘irlanganlar soni 187 nafar, boshlang‘ich maktabdan esa 40 nafarga yaqin. Kuriga shahar kengashi deputati Idris Mayalluraning aytishicha, jangarilar dastlab 100 nafar boshlang‘ich sinf o‘quvchisini qo‘lga olgan, biroq so‘ng bir qismini qo‘yib yuborgan, ular va boshqalar qochishga muvaffaq bo‘ldi.
Shtat gubernatori Uba Sani barcha maktab o‘quvchilarining ozod etilishini ta’minlashga va’da berdi. Amnesty International Nigeriya hukumatini bolalarni qutqarib, aybdorlarni javobgarlikka tortishga chaqirdi.
Nigeriyada bolalarni o‘g‘irlash odatiy holga aylanib bormoqda
2014 yilda «Boko Haram» guruhi Nigeriya shimolidagi Chibok shahrida 276 nafar o‘quvchi qizni o‘g‘irlab ketgan edi. 2021 yil holatiga ko‘ra, ulardan 100 dan ortig‘i bedarak yo‘qolgan. Save the Children tashkiloti 2021 yilning yanvar-avgust oylari orasida Nigeriyada 1000 dan ortiq bola o‘g‘irlab ketilganini bildirdi.
Comments
0 comment