Navoiy viloyati hokimiga o‘rinbosar tayinlandi.

Elbek Istamovich G‘afforov 2024 yil 19 fevraldan Navoiy viloyati hokimi o‘rinbosari – viloyat investitsiyalar, sanoat va savdo boshqarmasi boshlig‘i lavozimiga tayinlandi.

Tayinlovga qadar Navoiy viloyat Investitsiyalar, sanoat va savdo boshqarmasi boshlig‘ining birinchi o‘rinbosari vazifasida faoliyat yuritgan.

Ma’lumot uchun, E.G‘afforov 1989 yilda Navoiy viloyati, Xatirchi tumanida tug‘ilgan. 2011 yilda Toshkent davlat sharqshunoslik institutining «Xalqaro munosabatlar» yo‘nalishini tamomlagan. Rus, ingliz tillarini mukammal biladi.