“Iqtisodiyotni iqlim o‘zgarishiga moslashtirish zarur” - Senat raisi.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

Tanzila Norboyeva 2025 yilda mamlakat rivojlanishining ustuvor yondashuvlari belgilanganini ma’lum qildi. Senat raisiga ko‘ra, belgilangan har bir maqsad va vazifa Global Barqaror rivojlanish maqsadlari bilan hamohang.

Foto: Oliy Majlis Senati

Senatning uchinchi yalpi majlisida Tanzila Norboyeva o‘tgan yil mamlakatda barcha sohalarda barqaror rivojlanish sur’atlari ta’minlanganini qayd etdi.

“Joriy yilda ham katta marralar olganmiz. “O‘zbekiston–2030 strategiyasini Atrof-muhitni asrash va yashil iqtisodiyot yilida amalga oshirishga oid davlat dasturida joriy yildagi maqsad va vazifalar aniq aks ettirilgan.

Davlat dasturi loyihasi ikki hafta davomida keng jamoatchilik, jumladan Senat qo‘mitalarida ham muhokama qilindi. Qator muhim takliflar bildirildi. Endi dastur imzolanishi bilan uning ijrosida barchamiz – parlament, hukumat, mahalliy kengashlar bir bo‘lib harakat qilishimiz, belgilangan har bir vazifa so‘zsiz, o‘z vaqtida va sifatli bajarilishini ta’minlashimiz zarur”, deya ta’kidladi Tanzila Norboyeva.

Senat raisiga ko‘ra, 2025 yilda mamlakat rivojlanishining ustuvor yondashuvlari sifatida quyidagilar belgilab olingan:

Majlisda Senatning joriy yil birinchi yarmiga mo‘ljallangan ish rejasi shakllantirilgani ham ma’lum qilindi. Qayd etilishicha, unda faoliyatning eng asosiy yo‘nalishlarida 100 dan ortiq chora-tadbirlar va ularni amalga oshirishning aniq mexanizmlari belgilangan.

Jumladan, Senatning qonun ijodkorligidagi roli va tashabbuskorligi kuchaytiriladi. Jamiyat va davlat hayotiga oid muhim masalalarni hal etish bo‘yicha qonunchilik takliflari ilgari suriladi.

Bunda ekologiya, atrof-muhitni muhofaza qilish, iqlim o‘zgarishi, oila, aholi salomatligini saqlash, bolalarni zararli axborotdan himoya qilish, turizm, qurilish sohalarini rivojlantirish masalalariga alohida e’tibor qaratiladi.

Parlament nazorati doirasida 50 ga yaqin dolzarb ijtimoiy-iqtisodiy masalalar yuzasidan o‘rganish va tahlillar o‘tkazish rejalashtirilgan. Asosiy e’tibor hududlarga, ya’ni viloyat, tuman, shahar, mahallalarni ijtimoiy-iqtisodiy rivojlantirish, investitsiya, tadbirkorlik, kambag‘allikni qisqartirish, bandlik, ta’lim, tibbiyot, ijtimoiy himoya, inson huquqlari, korrupsiyaga qarshi kurashish, tashqi va ichki mehnat migratsiyasini tartibga solish bilan bog‘liq muhim masalalarga qaratiladi.

Bunda faqatgina nazorat bilan cheklanmasdan o‘rganishlar, tahlillar orqali asoslangan takliflar ishlab chiqiladi. Qolaversa, mavjud muammolarni hal qilishda vazirlik, idora va mahalliy davlat hokimiyati organlariga ko‘maklashib boriladi.

14:56 / 18.01.2025

23:51 / 16.01.2025

14:56 / 12.01.2025

17:59 / 25.12.2024

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.