Asosiy faoliyatidan tashqari har bir insonning boshqa sohaga qiziqishlari, turli xobbi va sevimli mashg‘uloti bo‘ladi. Bugun Bollivud aktyor va aktrisalarining bo‘sh vaqtini qanday o‘tkazishi haqida ma’lumot beramiz.
Jangari filmlar qahramoni real hayotda rasm chizishni yaxshi ko‘radi, degan fikr hech kimning xayoliga kelmasa kerak! Darhaqiqat, Salmon Xon bir necha bor o‘z rasmlari ko‘rgazmasini tashkil qilgan. Uning asarlari katta pulga sotilgan va yig‘ilgan mablag‘ saraton va psixiatrik kasalliklarga chalingan bolalar uchun xayriya qilingan.
Hind kinosining tirik afsonasi Amitabh Bachchan o‘z otasi kabi she’riyatga qiziqadi. Uning otasi Xarivanshray Bachchan yozuvchi va shoir bo‘lgan.
“Umidingni yo‘qotma”, “Varraklar”, “Simran” filmlarida mashhurlikka erishgan, Hindiston moda olamining yulduzi Kangana Ranaut oilasi va yaqinlari uchun turli taomlar pishirishni juda yaxshi ko‘radi.
Shahid Kapur tabiatan jismonan o‘ta faol aktyor bo‘lishiga qaramay u ziyofatlarda DJ’lik qilishga va soatlab raqs tushishga doim vaqt topadi.
Akshay Kumarni hindistonlik Jeki Chan deb ham atashadi. Aktyor bo‘sh vaqtida “tay-chi” bilan shug‘ullanadi.
Bollivud yulduzining turli sohada qiziqishlari ko‘p bo‘lsa-da, aynan fotoapparatda rasmga tushirishdek zavqni hech qaysi mashg‘ulot bera olmas ekan.
Aliya aktrisalik, qo‘shiq kuylash va raqs san’atidan tashqari ko‘mir yordamida turli chizmalar chizishga qiziqadi.
Yana bir Bollivudning yorqin aktrisasi ajoyib san’at turi — keramika bilan shug‘ullanadi.
Amir Xon urma va zarbli cholg‘u asboblaridan baraban bilan kuy chalishni yoqtiradi.
Maftunkor aktrisa Priyanka Chopra vokal va qo‘shiqchilik bo‘yicha yaxshi ta’lim olgan va aktrisalik bilan birga estrada yo‘nalishida ham o‘zini yorqin namoyon etmoqda. Priyanka turli qo‘shiqlariga kliplar olib, hatto konsert ham bergan.
Comments
0 comment