Zimbabveda o‘zini sektaning “payg‘ambari” sifatida ko‘rsatgan 56 yoshli Izmail Chokurongerva yetti nafar sherigi bilan birga “jinoiy faoliyati, jumladan, voyaga yetmaganlarga nisbatan zo‘ravonlik” uchun hibsga olindi. Bu haqda The Guardian xabar berdi.
O‘zini “payg‘ambar” deb e’lon qilgan erkak poytaxt Xararedan 34 kilometr shimoli-g‘arbda joylashgan fermada yashagan. Uning katta yoshli izdoshlari va 250 dan ortiq bolalar ham u bilan turgan. Bolalar sekta rahbariyatining manfaati yo‘lida har qanday ishni bajargan. Politsiya ma’lumotlariga ko‘ra, qutqarilgan 251 nafar bolaning 246 nafari tug‘ilganlik haqidagi guvohnomasiz yashagan.
Xavfsizlik kuchlari sekta qarorgohiga bostirib kirib, oq libosli dindor ayollar bilan bahslashgan. Ayollar majmuani “va’da qilingan yer” deb atagan va avtobusga o‘tqazilgan bolalarni zudlik bilan qaytarishni talab qilgan.
Comments
0 comment