Toshkent shahar mahallalaridagi iqtidorli yoshlarni kashf etish maqsadida voleybol bo‘yicha “Toshkent shahar IIBB boshlig‘i kubogi” bo‘lib o‘tmoqda. 15-fevralda start olgan bahslar tobora qizg‘in pallaga yaqinlashmoqda.
Qizg‘in va murosasiz o‘tgan musobaqaning yarim finalida o‘g‘il bolalar jamoasi orasida g‘oliblikni qo‘lga kiritgan Mirzo Ulug‘bek tumanining “Al-Farobiy” mahallasi va Yangihayot tumanining “Fayzli” mahallasi jamoalari final bosqichida 1 va 2-o‘rin uchun o‘zaro kurashadi.
Qizlar jamoasi o‘rtasida Sergeli tumanining “Yangi Sergeli” mahallasi va Bektemir tumanining “Mirishkor” mahallasi birinchi o‘rin uchun o‘zaro kurash olib boradi.
Eslatib o‘tamiz, 1-o‘rin uchun jamoaning har bir vakiliga 7 million so‘mdan, 2-o‘rin uchun 5 million so‘mdan, 3-o‘rin uchun 3 million so‘mdan pul mukofoti beriladi.
Musobaqaning final bosqichi 14-mart kuni soat 12:00 da boshlanadi va Toshkentning Yunusobod tumani Turg‘unboyev ko‘chasidagi “Yunusobod” sport majmuasida o‘tkaziladi. Final bosqichi qizg‘in sport o‘yini va shou dasturlari bilan davom etadi.
Comments
0 comment