“Real”ning “Liverpul” futbolchilari borasidagi rejalari ma’lum bo‘ldi

Madridning “Real” klubi “Liverpul” va Niderlandiya terma jamoasi markaziy himoyachisi Virjil van Deykni o‘z tarkibiga qo‘shib olishni rejalashtirmayapti.

Marca nashrining xabariga ko‘ra, “qirollik klubi” transfer strategiyasida yoshroq futbolchilarga e’tibor qaratib, muammoli pozitsiyani uzoq muddatga hal qila oladigan o‘yinchilarni izlash niyatida.

Shu bilan birga, “Liverpul” safida “Real”ni qiziqtirayotgan yagona futbolchi 26 yoshli o‘ng qanot himoyachisi Trent Aleksander-Arnold hisoblanadi. Klublar o‘rtasida uning transferi bo‘yicha muzokaralar olib borilmoqda.

Bunga qadar, matbuotda van Deykning “Liverpul” bilan shartnomasi 2025-yilning yozida tugashi sababli, u erkin agent sifatida “Real”ga o‘tishi mumkinligi haqida ma’lumotlar tarqalgan edi. Ammo hozircha bu variant “qirollik klubi” rejalarida yo‘q.