Qozog‘iston Sog‘liqni saqlash vazirligi mamlakatda chilimga to‘liq taqiq joriy etish masalasini muhokama qilmoqda. Tengrinews buning sababi haqida ma’lumot berdi.
Amaldagi qonunchilikka ko‘ra, jamoat joylarida chilim uchun tabaka, chilim aralashmasini iste’mol qilish taqiqlanadi. Sog‘liqni saqlash vazirligi jarima miqdori yetarli darajada bo‘lmagani uchun qonunga amal qilinmayotganini ma’lum qildi.
Qozog‘istonda belgilanmagan joylarda chilim chekkanlik uchun jismoniy shaxslarga 2024-yilda 55 380 dan 184 600 tengegacha (1 mln 580 mingdan 26 mln 212 ming so‘mgacha) jarima belgilangan.
Joriy yilning yanvar oyida deputatlar Qozog‘istonda chilimga to‘liq taqiq joriy etishni taklif qilgandi. Qonunni buzganlik uchun javobgarlik joriy etish taklif etilgan.
O‘zgartirishlar qabul qilinsa, muassasalarda tekshiruvlar militsiya xodimlari tomonidan amalga oshiriladi.
Chilim inson salomatligiga zararlimi?
Qozog‘iston Sog‘liqni saqlash vazirligiga ko‘ra, chilimlar tutuni, smola va tabaka oksidlanish mahsulotlarining yonishi tufayli kalyan odamning o‘pkasiga katta zarar yetkazadi. Bundan tashqari, chilim tabakasi nikotinni o‘z ichiga oladi, bu unga ruju qo‘yishga olib keladi.
Comments
0 comment