menu
Qoraqalpog‘iston va Xorazmda kuchli shamol sabab minglab xonadonlar elektr ta’minotisiz qoldi
Energetika vazirligi maxsus brigadalar tomonidan nosozliklar bartaraf etilayotganini ma’lum qildi

Energetika vazirligining ma’lum qilishicha, 20-mart kuni soat 22:30 da kuchli yomg‘ir va qattiq shamol taʼsirida Qoraqalpog‘iston Respublikasida 6-10 kVli 5 ta, Xorazm viloyatida esa 9 ta elektr uzatish tarmog‘ida nosozlik yuzaga kelgan.

Natijada Qoraqalpog‘iston Respublikasining To‘rtko‘l, Taxiatosh va Qo‘ng‘irot tumanlarida istiqomat qiluvchi 1 ming 200 ta, Xorazm viloyatining Gurlan, Qo‘shko‘pir, Urganch hamda Xonqa tumanlarida istiqomat qiluvchi 6 ming 750 ta isteʼmolchi elektr taʼminotidan uzilgan.

“Hozirgi vaqtda noqulay ob-havo (qattiq shamol va kuchli yomg‘ir) sharoitiga qaramasdan, maxsus brigadalar tomonidan ushbu nosozliklar bartaraf etilmoqda. Keltirilgan noqulayliklar uchun isteʼmolchilardan uzr so‘raymiz”, — deyiladi xabarda.

Eslatib o‘tamiz, 14-mart kuni Jizzax viloyatida shamol va qor ta’sirida 6-10 kVli 5 ta elektr uzatish tarmog‘ida nosozlik yuzaga kelgandi

Comments

http://uzun-quloq.uz/assets/images/user-avatar-s.jpg

0 comment

Write the first comment for this!