Qirg‘izistonning Tez Jet aviakompaniyasiga O‘zbekistonga parvozlarni amalga oshirishga ruxsat berildi

“O‘zaviatsiya” agentligi Qirg‘izistonning Tez Jet aviakompaniyasiga O‘zbekistonga muntazam parvozlarni amalga oshirishga ruxsatnoma berilganini e’lon qildi.

Ma’lum qilinishicha, O‘zbekiston va Qirg‘iziston o‘rtasida havo qatnovi to‘g‘risidagi hukumatlararo bitimga asosan 2024-yil 22-fevralda “O‘zaviatsiya” agentligi Tez Jet aviakompaniyasiga O‘sh–Toshkent–O‘sh va Bishkek–Toshkent–Bishkek yo‘nalishida O‘zbekistonga muntazam aviaqatnovlarini amalga oshirishga ruxsatnoma berdi.

Parvozlar aviakompaniyaning RJ-85 va MD-83 havo kemalarida amalga oshiriladi.