Pokistonning Balujiston shahridagi ko‘mir konida portlash sodir bo‘ldi. 12 nafar konchi halok bo‘lgan, 8 nafari qutqarilgan, deya Dawn xabar berdi.
Voqea 19-mart kuni kechqurun sodir bo‘lgan. Tog‘-kon kompaniyasi rahbariyati vakillarining so‘zlariga ko‘ra, portlash vaqtida konda 10 nafar konchi ishlagan. Ularga yordamga bir guruh konchilar kelgan, biroq ular ham tuzoqqa tushib qolgan.
Qutqaruv guruhlari oxir-oqibat 12 jasad va 8 nafar tirik qolganlarni topib, kasalxonaga yetkazgan. Qurbonlar sonini viloyat konchilik bosh direktori Abdulla Shohvoniy tasdiqlagan. Hukumat jabrlanganlarga har tomonlama tibbiy yordam ko‘rsatishni buyurgan.
18-mart kuni Amur viloyatidagi “Pioner” konida tosh qulashi sodir bo‘lgan edi. Tog‘-kon va kapital ishlariga ixtisoslashgan pudratchi tashkilot xodimlaridan 13 kishi vayronalar ostida qolgan. Qutqaruv operatsiyasi hanuz davom etmoqda.
Comments
0 comment