Cheklovdan kutilmagan avariyalarning oldini olish maqsad qilingan
O‘zbekistonda 12-mart kuni elektr energiyasi yetkazib berishda 150 MVt gacha cheklovlar kiritildi. Bu haqda Energetika vazirligi axborot xizmati rahbari Hasan Toshxo‘jayev ma’lum qildi.
Uning bildirishicha, ushbu cheklov 11—12-mart kunlari mamlakat bo‘ylab yuz bergan kuchli yomg‘ir va qattiq shamol tufayli tarmoqlarda sodir bo‘lgan avariyalar oqibatida, shuningdek, kutilmagan avariyalarning oldini olish maqsadida kiritildi.
Elektr energiyasi yetkazib berishda cheklovlar 17-fevraldan buyon amalga kiritib kelingandi. Hasan Toshxo‘jayev tabiiy gaz bosimining me’yoriy sxemaga qaytgani sabab ushbu cheklov 8-martdan buyon qo‘llanmayotganini aytgandi.
Comments
0 comment