O‘zbekistonda dollar kursi ketma-ket beshinchi kun ko‘tarildi

Markaziy bank xorijiy valyutalarning o‘zbek so‘miga nisbatan 18-martda amalda bo‘ladigan qiymatini eʼlon qildi.

Unga ko‘ra, dollar 2,99 so‘mga ko‘tarilib, 12 570 so‘m bo‘ldi. Yevro 52,03 so‘mga pastlab, 13 698,78  so‘m bo‘ldi. Rubl 0,37 so‘mga tushib, 136,91 so‘mni tashkil etdi.

Bundan avval dollar kursi 20,99 so‘mga ko‘tarilib, 12 567,01 so‘m bo‘lgandi. Ushbu valyuta kursi ketma-ket beshinchi kun ko‘tarildi. 14-mart kuni tijorat banklarida dollar kursi 12 600 so‘mdan oshgandi.