Mbappe “Real” prezidentiga qanday va’da bergani ma’lum bo‘ldi

Marca nashri “Real” hujumchisi Kilian Mbappe klub prezidenti Florentino Peresga qanday va’da bergani haqida ma’lum qildi.

Manbaga ko‘ra, Mbappe prezident bilan gaplashgan va vaziyatni o‘zgartirishga va’da bergan. U hamma narsa o‘zgarishiga va yaxshi kunlar kelishiga Peresni ishontira olgan.

Hujumchi avvalroq u bilan shartnoma imzolaganidan hech kim afsuslanmasligini aytgandi.

Mbappe yozgi transfer oynasida “Real”ga o‘tdi. Futbolchining klub bilan shartnomasi 2029-yilgacha mo‘ljallangan. Joriy mavsumda fransiyalik hujumchi barcha turnirlarda 24 ta o‘yinda qatnashib, 14 ta gol va 4 ta golli uzatmani amalga oshirdi.

Avvalroq Kilian Mbappe klub bilan barcha sovrinlarni yutish niyati borligini aytgandi.