U “sherlar” safida jami 180 ta o‘yinda maydonga tushib, 102 ta gol urgan
Toshkentning “Paxtakor” klubi o‘z safiga hujumchi Igor Sergeyevni qo‘shib oldi. Bu haqda klub matbuot xizmati xabar berdi.
Maʼlumot uchun, Igor uzoq yillar davomida “sherlar” safida harakat qilgan. U klubda jami 180 ta o‘yinda maydonga tushib, 102 ta gol urgan.
Noyabr oyida bungacha Tailandning “Patum Yunayted” klubida faoliyat olib borgan Igor Sergeyev 10 oylik tanaffusdan so‘ng qaydnomaga kiritilgani haqida xabar berilgandi.
Sergeyev yanvar oyida Osiyo Kubogi guruh bosqichi 3-turidan o‘rin olgan O‘zbekiston – Avstraliya bahsida jarohat olgan edi.
Keyinroq u Dohadagi “Aspetar” shifoxonasida muvaffaqiyatli operatsiya qilindi. Futbolchi 6 oy davomida jarohatini davolashi aytilgandi.
Comments
0 comment