Yaman husiylari yetakchisi operatsiyalar ko‘lami kengayishidan ogohlantirib, erishilgan natijalar haqida ma’lum qildi
Yaman husiylari Hind okeani orqali harakatlanuvchi Isroilga aloqador kemalarga zarba bermoqchi. Bu haqda husiylar yetakchisi Abdel Malik al Husiyga tayanib, Al Masirah xabar berdi.
Al Husiy so‘nggi kunlarda hujumlar samaradorligi ortayotgani va natija ko‘rsatishda davom etayotganini aytdi.
So‘nggi haftada Qizil dengiz va Adan ko‘rfazida harakatlanayotgan 12 ta kema zarbaga uchragan. Hammasi bo‘lib o‘tgan yilning noyabr oyidan beri husiylar 73 ta kemaga hujum qilgan, deydi harakat rahbari.
Comments
0 comment