Habib Makgregor bilan jangdan so‘ng Putindan qanday sovg‘a olgani ma’lum bo‘ldi

UFC prezidenti Dana Uayt Rossiya prezidenti Vladimir Putin Habib Nurmagomedovni irlandiyalik Konor Makgregor bilan jangda g‘alaba qozongani uchun qanday mukofotlagani haqida gapirdi.

“U jangdan keyin kiyinish xonasiga qaytishga ulgurmasidanoq, Vladimir Putin bilan telefonda gaplashayotgan edi. Putin Rossiyadan Habibga va otasiga taxminan 20 million dollarlik ko‘chmas mulk sovg‘a qildi”, — dedi Uayt YouTube’dagi Games With Names kanaliga bergan intervyusida.

Eslatib o‘tamiz, Nurmagomedov o‘zining so‘nggi jangini 2020-yil oktyabr oyida o‘tkazgan, o‘shanda UFC 254-turnirida Jastin Getjini ikkinchi raundda mag‘lub etgan edi. Jangdan so‘ng rossiyalik sportchi aralash yakkakurashlar bo‘yicha o‘z janglarini yakunlash qarorini e’lon qildi.