Erdo‘g‘onning korteji avariyaga uchradi, qurbon bor (video)

Turkiya prezidenti Rajab Toyib Erdo‘g‘onning korteji yo‘l-transport hodisasiga uchradi, prezidentni qo‘riqlovchi politsiyachi hodisa tufayli halok bo‘ldi. Bu haqda Erdo‘g‘onning o‘zi ma’lum qildi.

Shuningdek, u jarohat olgan boshqa xodimlarga ham tezroq sog‘ayib ketishlarini tiladi.

Turkiya janubi-sharqidagi Shirnak viloyatida Erdo‘g‘onning korteji avtohalokatga uchragan. IHA agentligi ma’lumotlariga ko‘ra, bir politsiyachi halok bo‘lgan, yana uch nafari yaralangan, ulardan ikki nafari politsiya xodimlari hisoblanadi.