“Afrosiyob” poyezdi yo‘lovchilarsiz harakatlangani haqida tarqalgan xabarlar rad etildi

Ijtimoiy tarmoqlarda “Afrosiyob” elektropoyezdi  bo‘sh o‘rinlarda harakatlangani haqida xabarlar tarqaldi. “O‘ztemiryo‘lyo‘lovchi” AJ matbuot xizmati bunga munosabat bildirdi.

Holat yuzasidan tezkor ishchi guruh ushbu masalani ko‘rib chiqqan. Ma’lum bo‘lishicha, 26-fevral kuni 766-sonli yo‘lovchi poyezdning ikkita vagonida jami 11 ta VIP joy sotilmagan.

“O‘ztemiryo‘lyo‘lovchi” fuqarolardan asossiz va yolg‘on bo‘lgan xabarlarni tarqatmasliklarini va tarmoqlarda tarqalgan bunday xabarlarga ishonmasliklarini so‘radi.