Yevropa Ittifoqining Kiyevga moliyaviy yordami 2025 yilda 35 mlrd yevroni tashkil qiladi.

• - Videolavhalar
• - Fotolavhalar
• - Dolzarb xabarlar
• - Hayotiy hikoyalar

• - Muharrir tanlovi
• - Maqolalar
• - Kun mavzulari
• - Bizning jamoa

• - Reklama tariflari
• - Media kit

Qoʻshimcha funksionallar

• Tungi ko‘rinish

Yevropa Ittifoqining savdo komissari Valdis Dombrovskisning bayonotiga ko‘ra, Yevropa Ittifoqi «fondning kredit tashabbusi ostida» 2025 yilda Ukrainaga 35 milliard yevro moliyaviy yordam beradi.

Foto: X / VDombrovskis

Yevropa Ittifoqi qariyb uch yildan beri Rossiyaga qarshi mudofaa urushi olib borayotgan Ukrainaga 2025 yilda 35 milliard yevro miqdorida moliyaviy yordam beradi. Bu haqda 22 dekabr, chorshanba kuni kechqurun X ijtimoiy tarmog‘ida Yevrokomissiya vitse-prezidenti, savdo bo‘yicha Yevropa komissari Valdis Dombrovskis ma’lum qildi. «Yevropa Ittifoqi G7 ERA va Ukraine Facility kreditlash tashabbusi orqali 2025 yil uchun 35 milliard yevro bilan moliyaviy yordam ko‘rsatmoqda», deyiladi uning bayonotida.

Dombrovskis Davosdagi Jahon iqtisodiy forumi arafasida Ukraina bosh vazirining birinchi o‘rinbosari Yuliya Sviridenko bilan uchrashdi. «Biz kengayish masalalari va Yevropa Ittifoqining yagona bozori sari qadamlarni muhokama qildik», dedi Yevropa Ittifoqi komissari.

Ukraina Moliya vazirligi ma’lumotlariga ko‘ra, 2024 yilda Yevropa Ittifoqi Ukrainaning eng yirik donoriga aylanib, Ukraine Facility doirasida 16,6 milliard yevro miqdorida moliyaviy yordam ko‘rsatgan.

2025 yilda Ukraina uchun moliyaviy yordam

10 yanvar kuni Ukraina davlat budjetiga Rossiya Federatsiyasining muzlatilgan aktivlaridan Ukrainaga mablag‘ berishni nazarda tutuvchi ERA tashabbusi doirasida Yevropa Ittifoqidan 3 milliard yevro tushgan edi. O‘sha kuni mamlakat bosh vaziri Denis Shmixal bu Yevropa Ittifoqidan olingan mablag‘larning birinchi qismi bo‘lib, Rossiyaning muzlatilgan aktivlaridan olingan daromadlar hisobiga ta’minlanganini ma’lum qildi.

Bloomberg ma’lumotlariga ko‘ra, Yevropa tiklanish va taraqqiyot banki (YeTTB) 2025 yilda Ukrainaga 1,5 milliard yevro sarmoya kiritishni rejalashtirmoqda. Infratuzilma va energetika xavfsizligi bankning mamlakatga kiritgan sarmoyalari uchun asosiy ustuvor yo‘nalish hisoblanadi, dedi YeTTBning Ukraina va Moldova bo‘yicha boshqaruvchi direktori Arvid Tuyerkner. Bundan tashqari, ustuvorliklar Ukraina xususiy sektori va oziq-ovqat xavfsizligi sohasidagi barqarorlikka tegishli.

10:07

16:57 / 22.01.2025

08:00 / 22.01.2025

09:54 / 19.01.2025

“KUN.UZ” saytida eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.
Guvohnoma: №0987. Berilgan sanasi: 22.06.2015-yil. Muassis: “WEB EXPERT” MCHJ. Tahririyat manzili: 100043, Toshkent shahri, K. Yormatov koʻchasi, 12-uy. Elektron manzil: info@kun.uz.
Saytda eʼlon qilinayotgan mualliflik maqolalarida keltirilgan fikrlar muallifga tegishli va ular Kun.uz tahririyati nuqtayi nazarini ifoda etmasligi mumkin.
Ⓣ - maqola va materiallarda qo‘yilgan mazkur belgi ularning tijorat va reklama huquqlari asosida eʼlon qilinganligini bildiradi.