100 nafar maktab o‘qituvchisi xorijiy davlatlarga malaka oshirishga yuboriladi.

100 nafar davlat umumiy o‘rta ta’lim tashkilotlarining pedagoglarini xorijiy mamlakatlarga malaka oshirish yoki stajirovkaga yuborish vazifasi belgilandi.

Bu - prezidentning «O‘zbekiston – 2030» strategiyasini «Yoshlar va biznesni qo‘llab-quvvatlash yili»da amalga oshirishga oid davlat dasturi to‘g‘risida» farmonida belgilangan.

Unga ko‘ra, 2024 yil iyun oyiga qadar «El-yurt umidi» jamg‘armasi ko‘magida xorijiy davlatlarga malaka oshirish va stajirovkaga yuboriladigan pedagoglar hududlar kesimida teng taqsimlangan holda saralab olinadi.

Saralab olingan pedagoglar 2024 yil yakuniga qadar vazirlikning budjetdan tashqari mablag‘lari hisobidan xorijiy davlatlarga malaka oshirish va stajirovkaga yuboriladi.