Toshkent shahrida yo‘nalishli avtobuslardan birida oilali ayolga shahvoniy shilqimlik qilgan konduktor qamaldi. Bu haqda Toshkent shahar sudi axborot xizmati “Daryo”ga xabar berdi.
Maʼlum qilinishicha, erkak 9t-sonli avtobusda chiptachi vazifasida ishlab kelib, 2023-yil oktyabr—noyabr oylari davomida avtobusga yo‘lovchi sifatida mingan fuqaro Y.A.ga jinsiy aloqada birga bo‘lishni taklif qilib, shahvoniy shilqimlik qilib kelgan.
Sud majlisida u yuqorida ko‘rsatilgan huquqbuzarlik harakatiga to‘liq iqrorlik keltirib, qilgan ishidan pushaymonligini bildirdi va yengillik berishni so‘radi.
Sud hukmiga ko‘ra, sudlanuvchiga Maʼmuriy javobgarlik to‘g‘risidagi kodeksning 41-1-moddasi 1-qismida nazarda tutilgan huquqbuzarlikni sodir etgani uchun 5 sutka maʼmuriy qamoq jazosi tayinlangan.
Shuningdek, uning hisobidan maxsus qabulxona foydasiga 153 000 so‘mdan undirilishi belgilandi.
Comments
0 comment