Toshkent yerusti metro tarmog‘i ostidagi binolar auksionga qo‘yildi

Toshkent shahar hokimligi yerusti metro tarmog‘i ostidagi biznes binolari qurilishi yakunlanganini ma’lum qildi.

Xaridorlarga Ohangaron shossesi va Toshkent halqa yo‘li bo‘ylab 60 ga yaqin obyekt taklif etilmoqda. Binolardan savdo yoki maishiy xizmat ko‘rsatish uchun foydalanish mumkin.

Bunda ijara shartnomalari besh yil muddatga tuziladi. Binolar ro‘yxati va ular haqidagi ma’lumotlarni batafsil quyidagi havola orqali olish mumkin. Boshlang‘ich narxlar mulkning joylashgan o‘rniga qarab 190 million so‘mdan 220 million so‘mgacha.