Rossiya harbiylari Donetsk viloyatining Mirnograd shahrini o‘qqa tutishda yangi aviabombalardan foydalandi. Bu haqda Ukraina mudofaa kuchlari spikeri Dmitriy Lixovoyga tayanib, “RBK-Ukraina” xabar berdi.
Ushbu qurollardan foydalanish Rossiyaning boshqariladigan aviabombalarini yaratishning yangi bosqichidan dalolat beradi.
Rossiya armiyasi 10-mart kuni tunda Mirnogradga hujum qildi. So‘nggi ma’lumotlarga ko‘ra, 11 kishi jarohatlangan. Shaharda vayronagarchiliklar qayd etilgan.
“UMPB D-30SN” havo bombasi Shvetsiyaning GLSDB, Amerikaning Powered JDAM va Fransiyaning AASM bombalarining ruscha analogidir. U 250 kilogram og‘irlikdagi jangovar kallakni ko‘taradi. Bomba yoqilg'i baki va reaktiv dvigatel bilan jihozlanishi mumkin, bu uning parvoz masofasini sezilarli darajada oshiradi.
Comments
0 comment