Jizzaxda uy va unga tutash qurilish mollari do‘koni yonib ketdi (video)

Jizzax shahrida joylashgan qurilish mollari do‘konida yong‘in sodir bo‘ldi. Bu haqda viloyat FVB axborot xizmati xabar berdi. 

Unga ko‘ra, 4-mart kuni soat 17:16 da Jizzax shahar “Oqqo‘rg‘onlik” mahallasi Y.Aliyev ko‘chasi 5-uy va ushbu yashash xonadoniga tutash bo‘lgan qurilish mollari do‘konida yong‘in bo‘lgan. 5 ta yong‘in-qutqaruv ekipaji voqea joyiga soat 17:24 da yetib borib, yong‘in soat 18:30 da o‘chirilgan.

Hodisa natijasida yashash uyining taxminan 24 kv/m maydonda tom va shift qismi hamda savdo do‘konining 48 kv/m qismi va qurilish materiallari yongan.

Sodir bo‘lgan yong‘in natijasida fuqarolarning tan jarohati olishi va halok bo‘lish holatlari kuzatilmagan. Yong‘inning sababi va zarari aniqlanmoqda.