Italiyalik mashhur modelyer Roberto Kavalli 83 yoshida vafot etdi. Bu haqda tegishli manbalarga tayanib, BBC xabar berdi.
Italiyaning ANSA axborot agentligining xabar berishicha, u uzoq davom etgan kasallikdan so‘ng Florensiyada uyida vafot etgan.
Kavalli 1940-yil 15-noyabrda Florensiyada tug‘ilgan. U charm ishlab chiqarish “sanoati” bilan bilan mashhur edi. Roberto 1970-yillarda o‘z kompaniyasiga asos solgan bo‘lib, Brijit Bardo, Sofi Loren, Kim Kardashyan va Jennifer Lopez kabi yulduzlar uchun obarazlar yaratgan.
1970-yilda o‘zining moda brendini ishga tushirgandan so‘ng, u tez orada innovatsion jarayon, teriga naqsh tushirishni ixtiro qilib, patentlagan. Kavalli 1972-yilda Fransiyaning Sen-Trope shahrida o‘zining “Limbo” nomli birinchi kichik do‘konini ochgan.
2005-yilda modelyer Playboy Bunnies’ning minimalistik formasini yangilashga taklif qilingan va hatto leopard tasvirida versiyani taqdim etgan.
Kavalli 2011-yilda Vogue jurnaliga bergan intervyusida uni o‘z dizaynlarida bunday tasvirlardan foydalanishga nima ilhomlantirgani haqida so‘rashganida: “Menga tabiat tomonidan yaratilgan hamma narsa yoqadi”, deya javob bergan.
Armani asoschisi Jorji Armani boshqalar qatori marhum dizayner o‘limi yuzasidan hamdardlik bildirib, uning “Toskana ilhomi”ni juda sog‘inishini aytgan.
Comments
0 comment