7-oktyabrdagi HAMAS hujumi rejasini ishlab chiqqan harakat qo‘mondoni Isroil askarlari tomonidan yo‘q qilindi — Al Jazeera 

Isroil mudofaa kuchlari 7-oktyabrdagi HAMAS hujumi rejasini ishlab chiqqan harakat rahbari Ammar Attiya Darvish al-Udey harbiy operatsiya paytida o‘ldirilganini maʼlum qilgan. Bu haqda Isroil va arab nashrlari xabarlariga tayanib, Al Jazeera nashri batafsil maʼlumot berdi.

“U 7-oktyabrdagi qirg‘inga tayyorgarlik ko‘rishda markaziy rol o‘ynagan, shuningdek, 2008-yildan beri HAMASning raketa arsenalini G‘azoda joylashtirish va Isroilga qarshi raketa hujumlari sodir etish uchun masʼul bo‘lgan”, — deyilgan Isroil Mudofaa kuchlari bayonotida.

HAMAS harakati qo‘mondon al-Udeyning o‘limi haqida hech qanday maʼlumot bermagan. Qator arab nashrlari Isroil bayonoti uchun asos va isbot so‘ragan.