Navoiy shahrida joylashgan ko‘p qavatli xonadonlarning birida yong‘in sodir bo‘ldi. Bu haqda viloyat hokimligi axborot xizmati xabar berdi.
Unga ko‘ra, 11-mart kuni soat 09:25 da Navoiy shahri “Umid” mahallasi, G‘alaba shohko‘chasidagi xonadonlardan birining 40 kv/m maydonida ichki qismi hamda uy jihozlari yongan. Yong‘indan yashash uyining 20 kv/m maydoni saqlab qolingan.
Voqea joyiga yong‘in qutqaruv ekipajlari soat 09:31da yetib borib, 09:34 da o‘rab olingan va 09:41da yong‘in o‘chirilgan. Voqea joyiga shahar FVBdan 4 ta yong‘in qutqaruv ekipajlari jalb etilgan. Yong‘in o‘chirish qismidan hodisa sodir bo‘lgan manzilgacha masofa 4 kilometrni tashkil etadi. Hozirda voqea sababi va zarari aniqlanmoqda.
Hodisa oqibatida jabrlangan va halok bo‘lganlar yo‘q.
Comments
0 comment